Welkom by MKB

Moorreesburgse Koringboere (Edms) Beperk, alombekend as MKB, die bedryfsmaatskappy van Graanboere Groep Beperk, lê in die hart van die Swartland. MKB is 'n maatskappy wat oor die afgelope 80 jaar heen die anker van die streek se graanbedryf geword het.

Graanhantering en opberging was nog altyd MKB se kernbesigheid.  Daar is silo's by Bergrivier, Koperfontein, Koringberg, Leliedam, Moravia en op Moorreesburg waar koring, lupiene, hawer en kanola hanteer word. Die saadaanlegte te Bergrivier, Koperfontein en Moorreesburg verwerk produsente-saad en graanprodukte tot saad van hoogstaande gehalte.

MKB het daarbenewens 'n aanleg vir die vervaardiging van hondekos, Petfood Caterers, wat op Moorreesburg gevestig is.  Daar is handelstakke op Moorreesburg en Velddrif waar boerderybenodigdhede, boumateriaal, hardeware en verbruikersitems beskikbaar is.  Die maatskappy verskaf ook versekering- en makelaarsdienste. Produsente word  ondersteun deur 'n volledige landbou-ekonomiese diens.

MKB het die produkte, dienste en personeel om die streek van 'n noodsaaklike lewensaar aan alle belanghebbendes, bestaande en voornemende kliënte te voorsien.